Bas sada wari, kerina menci ibas sada sapo erbahan sada perjumpan guna encakapken kiniguluten perbahan rusur kel kucing ngaya-ngayak ras ngkernepken menci. Kalak enda pe erpicet rukur, kenca persapo ngasuhi kucing i sapo, erserana kap menci muat nakan.
"Adi bage, uga nge sibahan gelah kita danci ngerambas kucing ntah pe uga carana gelah ula simbel ras ia?"
Piga-piga sora nggo ibelasken. Lit singatakenca gelah ibahan latihen ermayan. Lit ka menci si deban ngatakenca gelah menci enda mandah bas sapo sienda ku sapo sideban si lalit kucingna.
Aminna bage pe, kerina i tulak. Rempet lit sada menci si ndudurken tanna, nina, "Lit usul ku, uga kap keina adi si pasang sada gerding-gerding bas kerahung kucing ah? Emaka adi reh ia, minter danci si eteh kiam adi mbegi sora gerding-gerding na."
Kerina menci si tatapen mbegi ranan na e. Kerina mpehaga ia. Usul si mejile kel ras seh kel sukahna. Emaka seh kel tersampati kerina menci.
Si Pengulu perjumpan e erpenulak, sekalak menci si metua si rimbang tengah rukur. Neheni na perdempar kerina menci si pulung , nina, "payo ranandu e mejile ras si la pernah suraken kalak sope si e. Tapi, penungkunenna, ise si namaken gerding-gerding e ku kerahung kucing ah ndai?"
Kerina Menci si jerlengen. Tuhu ka nge nina e. Aminna gia usulen e mbaru ras bagi ndatken sada dalan, tapi labo tengteng i dalanken, usulen e La kap erguna. (tmt)
