Sejarah Kalak Karo

Karo eme salah sada suku si tading i Dataran Tinggi Karo, sebagin wilayah Deli Serdang, Kota Binjai, Langkat, Dairi, Kota Medan, ras Aceh Tenggara. Gelar suku enda ijadiken salah sada gelar kabupaten ibas salah sada wilayah si inganina (dataran tinggi Karo) eme Kabupaten Karo. Suku enda lit bahasana eme Bahasa Karo.

Suku karo pemena asalna Kerajan Haru nari. Bas paksa jayana kuasa Kerajan Haru/Karo mulai i Aceh Besar nari seh lau Siak i Riau. Litna Haru/Karo i Aceh danci ipastiken alu piga - piga gelar kuta i jah ibas cakap karo nari. Eme Kuta Raja ntahpe Banda Aceh gundari, Kuta Binjei i Aceh Timur, Kuta Karang, Kuta Alam, Kuta Lubok, Kuta Laksamana Mahmud, Kuta Cane, ras sidebanna. Ras lit ka Kalak karo i Aceh Besar sibas logat Aceh ikataken Karee.

Wilayah Suku Karo
Usur lit salah ibas percakapen tep-tep wari ibas rayat sirulo maka Taneh Karo eme Kabupaten Karo saja ngenca. Padahal, Taneh Karo Simalem ndauh belangen asaa Kabupaten Karo, sebab kerina ku arah:
1. Wilayah Kabupaten Karo

2. Kota Medan
Si Manteki Kota Medan sekalak kalak Karo eme Guru Patimpus sembiring Pelawi

3. Kota Binjai

4. Kabupaten Dairi
Sebagin kabupaten Dairi ei pe Taneh Karo:
Kecamatan Taneh Pinem
Kecamatan Tiga Lingga
Kecamatan Gunung Tember

5. Kabupaten Deli Serdang
Sebagin kabupaten Deli Serdang ei pe Taneh Karo:
Kecamatan Lubuk Pakam
Kecamatan Bangun Purba
Kecamatan Galang
Kecamatan Gunung Meriah
Kecamatan Sibolangit
Kecamatan Pancur Batu
Kecamatan Namo Rambe
Kecamatan Sunggal
Kecamatan Kuta Limbaru
Kecamatan STM Hilir
Kecamatan Hamparan Perak
Kecamatan Tanjung Morawa
Kecamatan Sibiru-biru

6. Kabupaten Langkat
Taneh Karo i kabupaten Langkat eme:
Kecamatan Selesai
Kecamatan Kuala
Kecamatan Salapian
Kecamatan Bahorok
Kecamatan Pd.Tualang (Batang Serangan)
Kecamatan Kuala Bingai
Kecamatan Stabat

7. Kabupaten Aceh Tenggara
Taneh Karo i kabupaten Aceh Tenggara eme:
Kecamatan Lau Sigala-gala (Desa Lau Deski, Lau Perbunga, Lau Kinga)
Kecamatan Simpang Simadam
sumber: Darwan Prinst, S.H (Adat Karo, 2004)